Regional inkişaf və infrastruktur nazirinin sözlərinə görə, bu il yeni Rikoti keçidinin konkret hissələri açılacaq. Bunu parlamentdə çıxışı zamanı İrakli Karseladze deyib.

Onun sözlərinə görə, Rikoti aşırım yolunun tarixi layihəsi həm məzmun, həm də mühəndis həlləri ilə seçilir. Nazirin sözlərinə görə, 52 km yolda 51 tunel və 97 körpünün tikintisi nəzərdə tutulub ki, bunlardan da paralel olaraq 88 körpü və 48 tuneldə işlər aparılır. Buradan 6 körpünün tikintisi başa çatdırılıb və nəqliyyatın hərəkəti açıqdır, 24 körpü isə tikilib. Tamamlanmış 3 tuneldə də nəqliyyatın hərəkəti açıqdır, 21 tunel isə artıq kəsilib.

"Rikotinin ilk 2 km-lik hissəsini 2021-ci ildə açdıq və razılaşmaya əsasən, qalan hissənin tikintisi mərhələlərlə 2022-2023-cü illərdə başa çatdırılacaq. Bu il də konkret hissələrin açılmasını planlaşdırırıq”, - deyə Karseladze bildirib.