Marneulidə bir nəfər qanunsuz odlu silah gəzdirmə ittihamı ilə saxlanılıb. Bu barədə məlumatı Daxili İşlər Nazirliyi yayıb.

Məlumata görə, Kvemo Kartli Polis İdarəsinin Marneuli rayon şöbəsinin əməkdaşlarının həyata keçirdikləri əməliyyat-axtarış və istintaq tədbirləri nəticəsində 2004-cü il təvəllüdlü A.M. saxlanılıb. Hüquq-mühafizə orqanlarının əməkdaşları təqsirləndirilən şəxsin üzərindən şəxsi yoxlama nəticəsində maddi sübut kimi 1 ədəd tapança və 5 ədəd patron götürüblər.

Bundan başqa Daxili İşlər Nazirliyi Tbilisi və regionlarda müxtəlif vaxtlarda həyata keçirdikləri əməliyyat-axtarış tədbirləri nəticəsində 14 nəfəri də saxlayıblar. Saxlanılan şəxslərdən müxtəlif odlu silah və patronlar ələ keçirilib.

Cinayətə görə 3 ildən 7 ilədək həbs cəzası nəzərdə tutulur.

DİN-in məlumatına görə, odlu silah və döyüş sursatlarının qanunsuz alınması, saxlanması və daşınması faktı ilə bağlı Gürcüstan Cinayət Məcəlləsinin 236-cı maddəsinin 3-cü və 4-cü hissələri ilə istintaq aparılır.