Marneuli yerli özünüidarəsi 6 yeni avtomobil almağı planlaşdırır.
Meriyanın elan etdiyi tenderə əsasən, Marneuli meriyası
İnfrastruktur və İqtisadi İnkişaf, Şəhərin İnkişafı, Məkan
Quruculuğu, Arxitektura və Tikinti, Maliyyə-Büdcə, Nəzarət və
Əmlakın İdarə Edilməsi, Maddi-Texniki Təminat Xidmətləri üçün yeni
avtomobillər almağı planlaşdırır.
Alqı-satqının məqsədi ilə bağlı əsaslandırmada meriya xidmətlərinin
həyata keçirdiyi işlər təsvir edilir və qeyd olunur ki, nəqliyyat
vasitələrinin alınması yerli əhalinin maraqlarına daxildir və əhali
üçün müvafiq həyati əhəmiyyət kəsb edən bələdiyyə xidmətlərinin
göstərilməsinin davamlılığının təmin edilməsinə hər gün ehtiyac
yaranır.
“Bələdiyyə avtoparkının yenilənməsi üçün 6 ədəd III
dərəcəli minik maşınlarının alınması zərurəti Marneuli
özünüidarəsinin gündəliyində mütləqdir, xüsusən də avtoparkın
yenilənməsi fonunda, bələdiyyə avtoparkında özünüidarənin
balansında olan köhnəlmiş avtomobillərin bir hissəsi hərrac yolu
ilə digər fiziki şəxslərə satılıb. Geridə qalan müəyyən hissələri
də eyni aqibət gözləyir”, – Alqı-satqı əsasnaməsində
qeyd olunur.
Marneuli yerli özünüidarəsi 6 yeni avtomobilin alınması üçün 345
000 lari dəyərində tender elan edib. Tenderdə iştirak etmək istəyən
şirkətlər 15 mart tarixindən 18 mart tarixinə qədər öz təkliflərini
təqdim edə bilərlər. Qalib şirkət avtomobilləri müqavilə
imzalandıqdan sonra 15 gün ərzində meriyaya təhvil verməlidir.