Tbilisi meriyasının məlumatına görə, aprelin 1-dən etibarən Didube
rayonunda Akaki Tsereteli prospektində və onun ətraf küçələrində
saatlıq zona parkinqi tətbiq olunacaq.
Tbilisi meri Kaxa Kaladzenin bu gün, martın 6-da paytaxt
hökumətinin iclasında bildirdiyi kimi, martın 1-dən etibarən
konkret ünvanlarda məlumat köşkləri yerləşdirilib.
“Bir daha əhalinin nəzərinə çatdırmaq istəyirəm ki, aprelin 1-dən
etibarən Didubi rayonunda Akaki Tsereteli prospekti və ona bitişik
küçələrdə zonal saatlıq parkinq tətbiq olunacaq. Yerli sakinlərin
avtomobillərini evlərinin yanında pulsuz saxlaması üçün mən yerli
sakinləri pavilyonlara müraciət etməyə və avtomobillərini vaxtında
qeydiyyatdan keçirməyə çağırıram”, - deyə Kaxa
Kaladze bildirib.
Paytaxt meri vətəndaşların qeyd olunan xidmətlərin göstəriləcəyi
ünvanların adını çəkib.
Pavilyonlar aşağıdakı ünvanlarda yerləşir:
• Tsereteli prospekti N118 (Expo Georgia Sərgi Mərkəzinin
yaxınlıqda);
• Tsereteli prospekti N12a ilə bitişik; Tsereteli prospekti
N116;
• Tsereteli prospekti N76; Tsereteli prospekti N48; Tsereteli
prospekti №140 (“Didube” metrostansiyası ilə bitişik); Tskaltubo
küçəsi N10.
Kaladzenin qeyd etdiyi kimi, pavilyonlar bazar və bazar ertəsi
istisna olmaqla, hər gün 09:00-dan 18:00-a kimi işləyir.