Dini Qurumlarla İş üzrə Dövlət Agentliyi Adıgenidə baş verənlərlə
bağlı bəyanat yayıb və qeyd edir ki, istənilən məqsədyönlü
destruksiya yolverilməzdir.
Agentlik din və inancdan dar maraqlar üçün istifadəni pisləyir.
Agentlik zorakılığı qəbul etmir və məsələnin daha çox uzatmadan
həll olunacağına ümid edir.
“Gürcüstanda din və etiqad azadlığı qorunur və bunu
Gürcüstanın tərəfdaş ölkələrinin dini məsələlərlə məşğul olan
yüksək vəzifəli şəxsləri də dəfələrlə etiraf ediblər.
Agentlik tərəfləri sağlam düşüncə nümayiş etdirməyə və Gürcüstanın
maraqlarına və qanunvericiliyə uyğun hərəkət etməyə çağırır. Eyni
zamanda, o, müsəlman və xristian dini liderlərini təxribatlara yol
verməməyə və insidentlə bağlı gərginliyin dini ardıcıllara
keçməməsi üçün öz dini ardıcılları ilə işləməyə
çağırır”, - deyə məlumatda bildirilir.
Agentlikdən verilən məlumata görə, onun yerli hökumətlə sistemli
əlaqəsi var və onun regional koordinatoru qeyd olunan məsələdə fəal
iştirak edir.
Agentlik siyasi qurumları təxribat xarakterli bəyanatlardan
çəkinməyə, yüksək vətəndaş məsuliyyəti göstərməyə və dünyəvilik
prinsiplərinə uyğun fəaliyyət göstərməyə çağırır.
“Dini Qurumlarla İş üzrə Dövlət Agentliyi əvvəldən yuxarıda qeyd
olunan məsələnin tənzimlənməsində fəal iştirak edib və gələcəkdə
bütün dini konfessiyaların mənafelərini qorumaq üçün öz
səlahiyyətləri çərçivəsində fəaliyyət göstərməyə
hazırdır”, - deyə agentlikdən bildirilib.
Adıgenidə dini zəmində qarşıdurma olub. Martın 8-də onlarla insan
Adigen rayonuna gələrək müsəlmanları namaz qılmağa qoymayıb.
Batumi nəşri vətəndaşların evin yaxınlığında toplaşdığını,
aralarında din xadimlərinin də olduğu yerdən video yayımlayıb.
Onlar evdə olan şəxsi söyərək, evdən çıxmasını tələb edirlər.
Batumelebi yazır ki, Yusuf Mikeladzeyə məxsus evdə son bir neçə
ildə Adigendə yaşayan müsəlmanların bir yerə toplaşaraq cümə namazı
qıldığı evdə qarşıdurma baş verib.