Marneuli meriyası 8 mart üçün kart və çiçəklərə 980 lari xərcləyib.
Marneuli meriyası 8 mart üçün 200 ədəd təbrik kartı hazırladıb.
Yerli özünüidarə Beynəlxalq Qadınlar Günü üçün təbrik kartlarını
sadələşdirilmiş qaydada fərdi sahibkar Əkrəm Qəhrəmanovdan 240
lariyə alıb.
“Xatırladaq ki, Marneuli meriyasına Beynəlxalq Qadınlar
Günü ilə əlaqədar 200 ədəd təbrik kartı lazımdır. Həmin təbrik
kartları merin adı ilə müvafiq ünvanlara göndəriləcək. Xahiş
edirik, xidmətin həyata keçirilməsi ilə bağlı qanunvericiliklə
nəzərdə tutulmuş tədbirlər görülməsi üçün müvafiq xidmətə məsələni
müzakirə etmək tapşırığı verəsiniz”, – izahatnamədə
yazılıb.
Bələdiyyəyə 200 ədəd gül dəstəsi almaq 760 lariyə başa gəlib. “Gül
Cənnəti” MMC ilə bağlanmış sadələşdirilmiş müqaviləyə görə, bir
gülün dəyəri 3,80 laridir.
Marneuli meri Kənan Ömərov və Bələdiyyə Məclisinin sədri Amiran
Qiorqadze Marneuli bələdiyyəsinin “Geo Hospitals” və “Aversi”
klinikasının tibbi heyətini, eləcə də meriyada işlə təmin edilmiş
xadimələri 8 mart münasibətilə təbrik edib.