ABŞ Şimali Koreyanın lideri Kim Çen İnin əməliyyatdan sonra
vəziyyətinin ağır olduğu barədə kəşfiyyat məlumatlarnı
araşdırır.
ABŞ Təhlükəsizlik Xidmətinə yaxın bir mənbənin CNN-ə verdiyi
məlumata görə, Birləşmiş Ştatlar Şimali Koreya liderinin sağlamlıq
vəziyyətini diqqətlə izləyir.
CNN həmçinin yazır ki, Kim Çen İnin 15 aprel tarixində babasının
yubiley mərasiminə qatılmaması onun səhhəti ilə bağlı şübhələri
daha da artırıb.
O, ən son yubiley mərasimindən cəmi dörd gün əvvəl hökumət üzvləri
ilə görüşdə görünmüşdü. Digər bir mənbə CNN-ə bildirib ki, Şimali
Koreya liderinin sağlamlıq vəziyyəti ilə bağlı məlumat həqiqətə
uyğundur, lakin vəziyyətin nə dərəcədə ciddi olduğunu yoxlamaq
çətin məsələdir.
Şimali Koreyada baş verən hadisələr haqqında yazan onlayn nəşriyyat
"DK" Kim Çen İnin həqiqətən də aprelin 12-də kardiostomiya ilə
bağlı tibbi proseduralar keçirdiyini bildirib. Nəşrin məlumatına
görə, Şimali Koreya lideri hazırda villalarının birində müalicə
alır.
Cənubi Koreya hökuməti Kim Çen İnin vəziyyəti ilə bağlı açıqlama
verməyib. Prezident administrasiyasından jurnalistlərə bildirilib
ki, onların Dövlət Başçısının səhhəti ilə bağlı heç bir məlumatları
yoxdur, üstəlik, hazırda Şimali Koreyada "qeyri-adi" heç nə
müşahidə edilmir.