Braziliyanın Səhiyyə Nazirliyindən verilən məlumata görə,
Braziliyada koronavirusa daha 23 529 yoluxma halı təsdiqlənib və bu
virusa yoluxan insanların ümumi sayı 2 098 389 olub.
Eyni məlumatlara görə, Braziliyada Covid-19 səbəbindən daha 716
nəfər dünyasını dəyişib və ölənlərin sayı 79 488-ə çatıb.
Mətbuatda yayılan məlumatlara görə, bir neçə gün əvvəl təkrar
koronavirus testi keçirən və virusa yenidən yoluxduğu təsdiqlənən
ölkə prezidenti Jair Bolsonaru, prezident iqamətgahındakı ərazidə
tərəfdarlarını salamlayıb. CNN-in məlumatına görə, prezident və
toplaşan vətəndaşları su kanalı ayırıb, lakin iki nəfər onu keçə və
prezidentə yaxınlaşa biliblər.
Məlumat üçün bildirək ki, Braziliya həm yoluxmuşların, həm də virus
səbəbindən ölənlərin sayına görə ABŞ-dan sonra dünyada ikinci yeri
tutur.