Monqolustanın paytaxtı Ulan-Batorda 60 ton qaz daşıyan yük
maşınının partlaması nəticəsində üç yanğınsöndürən də daxil olmaqla
azı 6 nəfər ölüb, 11 nəfər isə yaralanıb.
"Təəssüf ki, hadisə nəticəsində Milli Yanğından
Xilasetmə Xidmətinin 63-cü yanğın-xilasetmə hissəsinin 3 əməkdaşı
xidməti vəzifələrini yerinə yetirərkən həlak olub", -
Fövqəladə Halların İdarəetmə Xidmətinin məlumatında deyilir.
Onların məlumatına görə, yük maşınında 60 ton maye qaz olub.
Avtomobilin partlaması yanğına səbəb olub və qısa müddətdə ətraf
ərazilərə, “Dünjinqaravi” bazarının yaxınlığında, eləcə də
binalara, o cümlədən yaşayış binasına keçib. Yanğının
söndürülməsinə 600-dən çox yanğınsöndürən cəlb olunub.