28-29 fevral tarixində Rustavi şəhərində qraplinq, K-1 və MMA üzrə
beynəlxalq turnir keçirilib.
Turnirə Marneulidən üç idman klubu qatılıb.
Yarışlara Roma Mehdiyev, Raul Məmmədov və Eltun Qocayevin
rəhbərliyi altında qatılan klubları 28 idmançı təmsil edib. Həmin
idmançılar qüvvələrini K-1 və MMA versiyası üzrə sınayıblar.
Onlardan 17 idmançı bütün rəqiblərini məğlub edərək fəxri kürsünün
ən yüksək pilləsinə qalxaraq qızıl medal qazanıblar. Digər 11
idmançı isə finalda məğlub olaraq gümüş medalla
kifayətləniblər.
Turnirdə Azərbaycan, İran, Türkiyə, Gürcüstan, Ermənistan və Rusiya
idmançıları iştirak ediblər.