Laqodexi rayonunun Qabal qəsəbəsində fəaliyyət göstərən “Sport
fight Club Kabal” idman klubunun yetirmələri Tbilisidə keçirilən
çempionatda iştirak ediblər. Qabaldan yarışa 4 idmançı qatılıb.
“Qabal Gənclər Cəmiyyəti”nin sədri Elvin Tağıyevin məlumatına görə,
2-3 dekabr tarixlərində keçirilən çempionatda “Sport fight Club
Kabal” idman klubunun idmançıları 1-ci, 2-ci və 3-cü yeri
qazanıblar.
“Gürcüstan döyüş liqası və “Savate Milli
Federasıyası”nın prezidenti İnqa Damenianın rəhbərliyi ilə bu ilin
2-3 dekabr tarixlərində, paytaxt Tbilisidə “Sport fight Club Kabal”
idman klubunun yetirmələri, GFL-nin Gürcüstan çempionatının peşəkar
döyüşündə uğurla çıxış ediblər. GFL Gürcüstan çempionatına “Sport
Fight Club Kabal” klubundan 4 idmançı qatılıb. Bunlardan Ricay
Qayıbov 60 kq çəki dərəcəsində, peşəkar döyüşdə, Dedoplistskaro
bələdiyyəsindən olan gürcü rəqibi İlia Xatiaşvilini 3-cü raundda
məğlub edərək 1-ci yeri qazanıb. Daha sonra kiçik çəkilər üzrə
Məhəmməd Durmuşov və İsə Axundov 1 ci yeri qazanıb. Rauf Əliyev isə
3 yerdə qərarlaşıb”.
Çempionatda Gürcüstanla yanaşı Azərbaycan, Türkiyə, İran və
Ermənistan idmançıları da iştirak ediblər.
Xatırladaq ki, Tbilisi şəhərində keçirilən Muaytay üzrə açıq
Tbilisi çempionatı Gürcüstan Muaytay Federasiyasının təşkilatçılığı
ilə keçirilib.