22-26 dekabr tarixlərində Xelvaçauri bələdiyyəsində oxçuluq üzrə
Xatuna Narimanidze və Asmat Diasamidze adına beynəlxalq turnir
keçirilib.
Turnirdə Marneulili idmançılar da iştirak ediblər. Bu barədə
Marneuli İdman Məktəbi məlumat yayıb. Məlumata görə, turnirdə
Marneulili oxçu qızları uğurla mübarizə aparıblar.
"Turnirdə birinci yerə Salome Xarşiladze çıxıb. Onun
şəxsi məşqçisi Qiorqi Qordezianidir. Tata Naveriani üçüncü yerin
sahibi olub. Onun şəxsi məşqçisi Eka Abaişvilidir. Komanda
çempionatında isə birinci yeri Salome Xarşiladze və Miranda
Saqinadze qazanıb. Şəxsi məşqçiləri Qiorqi Qordezianidir. Turnirdə
yeni nəslin oxçu qızları Tika Şavadze və Elene Kaldani də uğurla
çıxış ediblər. Cütlüklər arasında onlar ikinci yeri
qazanıblar", – məlumatda deyilir.
Turnirdə Acarıstan, Marneuli, Ermənistan, Azərbaycan, Qazaxıstan və
Özbəkistandan oxçular və para-oxçular iştirak ediblər.