"Eşşək südünə tələbat artıb" - Bu barədə eşşək südü istehsal edən "Şake-Darı" fermasının təsisçisi Temur Lomidze bildirib.

“Business Press News”a danışan fermer bu məhsula tələbatın artmasını maarifləndirmə işi ilə əlaqələndirir.

Temur Lomidze: “7 ildir ki, bu işlə məşğulam və bu müddət ərzində eşşək südünün bir dənə də əks göstərişi olmayıb. İldə 800 litr istehsal edirəm, amma ən azı 1200 litrə çatmaq üçün hər şeyi etməliyəm”.

“Eşşək südünə tələbat artıb” – bir litr süd neçəyə başa gəlir?

Fermerin sözlərinə görə, 2 ildir ki, 1 litr eşşək südünün qiyməti 70 laridir, lakin o, qiymət artımını istisna etmir.

“Hesab edirəm ki, qiyməti 10 lari artıracağıq, çünki mənim xərclərim çox yüksəkdir. Hətta yer mənim deyil, hər ay pul ödəyirəm. Üstəlik eşşək yemi də bahalaşdı və mənim tərəfimdən işlə təmin olunan insanlar da var. Düzdür, mən və həyat yoldaşımdan başqa, ümumilikdə 4 nəfərlə işləyirəm, amma bu da xərclərlə bağlıdır”, – Temur Lomidze bildirib.

Onun sözlərinə görə, tələbat artdığından bu il süddən müxtəlif məhsulların istehsalı dayandırılıb: pendir, sabun, likör, şokolad, pomada və s.

“Bu məhsullar kifayət qədər ləng satılır və biznes dövriyyə ilə ayaqlaşa bilmir. Ancaq burada başqa bir problem də var, məhsul ləng satılır, lakin kifayət qədər baha qiymətə və qısa saxlama müddətinə malikdir ki, bu da başqa böyük problemdir. Mən təkcə süd məhsullarının deyil, süd tozunun da satışını dayandırdım”, - Lomidze deyib.

Məlumat üçün bildirək ki, hazırda “Şek-Dar”da 100 eşşək var.
İxracata gəlincə, xaricdən eşşək südünə tələbat var, amma Temur Lomidzenin sözlərinə görə, Çin və Amerikadan təkliflər olsa da, yerli bazarda belə tələbatı ödəyə bilmir.

"Bunun üçün müvafiq dəstəyə ehtiyacım var, mənim eşşəkləri asanlıqla yetişdirmək üçün texnologiyam və ya şəraitim yoxdur, ona görə də dayandım", - Temur Lomidze bildirib.