Tsalencixada yanğın nəticəsində bir nəfər dünyasını dəyişib. Evdə
tək qalan 78 yaşlı qadın həlak olub.
Hadisə qısa müddət əvvəl Nakipu kəndində baş verib.
Təcili yardım xidmətindən "İnfo Rustavi"-yə verilən məlumata görə,
hadisə yerində 5 yanğın-xilasetmə qrupu işləyirdi.
"Ev yanırdı, yanğın söndürüldü, hadisə yerində 5
xilasetmə heyəti işləyirdi. Yanğın söndürüldükdən sonra
yanğınsöndürənlər bir nəfərin cəsədini aşkarladılar",
– deyə qurumdan bildirilib.
Yanğının səbəbləri hələ ki, məlum deyil.