Son 24 saat ərzində hüquq-mühafizə orqanlarının əməkdaşları ölkə
daxilində qüvvədə olan qaydaların pozulması ilə bağlı 1239 fakt
aşkar ediblər.
Polis İnzibati Xətalar Məcəlləsinin 42-ci maddəsinin 10-cu bəndi
ilə 121 nəfər cərimələyib.
Cərimə olunanlar arasında axşam 9-dan səhər 5-ə qədər hərəkət
məhdudiyyətini pozan vətəndaşlar da var.
Bundan əlavə, son 24 saat ərzində 952 şəxsə maska taxma qaydasını
pozduğu üçün İnzibati Xətalar Məcəlləsinin 42-ci maddəsinin 11-ci
bəndinə əsasən cərimə tətbiq olunduğu halda, maska taxma qaydasının
təkrarən pozulması ilə bağlı 166 hadisə aşkar edilmişdir.
Daxili İşlər Nazirliyi vətəndaşları tətbiq olunan məhdudiyyətlərə
riayət etməyə çağırır, əks halda qanunla nəzərdə tutulmuş müvafiq
tədbirləri tətbiq ediləcəyini xəbərdarlıq verir.
Maska taxma qaydasının pozulması İnzibari Xətalar Məcəlləsinin
42-ci maddəsinin 11-ci bəndinə əsasən inzibati məsuliyyət və 20
lari məbləğində cərimə ilə nəticələnir, maska taxma qaydasının
dəfələrlə pozulmasına görə isə İnzibati Xətalar Məcəlləsinin 42-ci
maddəsinin 11-ci bəndinə əsasən 40 lari cərimə nəzərdə tutulur.
Təcrid və karantin qaydalarının pozulması, İnzibati Xətalar
Məcəlləsinin 42-ci maddəsinin 10-cu bəndinə əsasən inzibati
məsuliyyətə səbəb olur və fiziki şəxs üçün 2000 lari, hüquqi şəxs
üçün 10000 lari cərimə olunur. Təkrar olunan cərimələr cinayət
məsuliyyətinə səbəb olur.
Gürcüstan ərazisindəki bütün şəxslər, Gürcüstanın xalq sağlamlığı
haqqındakı qanunvericiliyinin tələblərinə əməl etməyə borcludurlar.
Daxili İşlər Nazirliyi vətəndaşları yüksək ictimai məsuliyyət
göstərməyə və mövcud qaydalara tabe olmağa çağırıb.