“Meta” şirkəti “Facebook” və “Instagram” istifadəçilərinə
ayda 14,99 dollarlıq yeni abunəliklər təqdim edir.
"Marneuli" radiosu xəbər verir ki, bu barədə şirkətin sahibi Mark
Zukerberq məlumat yayıb.
Məlumata görə, şirkət bu ödəniş qarşılığında istifadəçilərin
hesablarını təsdiq etməyə imkan verəcək.
“Meta Verified” adlı yeni funksiya istifadəçilərin
hesablarında mavi işarə kimi görünəcək. Bu profillər adi
hesablardan əlavə qorunma və birbaşa dəstəyə giriş imkanı əldə
edəcək” – Zukerberq bildirib.
Qeyd edək ki, “Meta Verified” xidmətinin qiyməti masaüstü kompüter
üçün 11,99 dollar, mobil versiya üçün isə 14,99 dollar olacaq.
Mənbə: Lent.az