Instagram-da birdən artıq paylaşılan fotolara musiqilərin əlavə edilməsi funksiyası test olunur.

Bu barədə məlumatı Mark Zuckerberg verib. Onun sözlərinə əsasən test olunan yeni funksiya tədricən daha çox istifadəçi üçün aktiv olacaq.

Qeyd etmək lazımdır ki, Instagram-da paylaşılan ayrı-ayrı fotolara musiqilərin əlavə edilməsi funksiyası artıq çoxdandır istifadə edilir. Lakin birdən artıq fotoların paylaşılması üçün bu funksiya mövcud deyil idi. Bundan əlavə olaraq ana səhifədə birdən artıq paylaşılmış fotolara baxmaq üçün müəyyən zaman lazım olduğunu nəzərə alaraq bu cür paylaşımlara musiqilərin əlavə edilməsi daha məntiqli görünür.