Bir çox istifadəçi bir müddət sonra telefonun yavaş işləməsi
problemi ilə üzləşir. Bu zaman proqramlar gec açılır və ya donur,
smartfon dərhal işə düşmür. Bütün bunlar cihazdan istifadəni
çətinləşdirir.
Smartfonun yavaşlamasına səbəb 6 əsas əlamət ola bilər.
Onları təqdim edirik:
Smartfonunuza çoxlu foto, video, musiqi yükləmək və saxlamaq
telefonun yaddaşını azaldır və onun prosessorunu həddən artıq
yükləyir. Buna görə də, cihazı üçüncü tərəf mediasına köçürməklə və
ya silməklə lazımsız fayllardan azad edin.
- Keyfiyyətsiz “WiFi” bağlantısı
Telefon yavaş işləməyə başlayırsa, şəbəkə siqnalının gücünü
yoxlayın. Proqramları və veb səhifələri yeniləməyə çalışarkən
“Wi-Fi” zəif olduğuna görə telefon dona bilər.
- Əməliyyat sisteminin köhnəlməsi
Telefonunuzu yavaşladan problemləri düzəltmək üçün əməliyyat
sisteminizin yeniləmə statistikasını yoxlayın. Əməliyyat sisteminin
vaxtında yenilənməsi smartfonda bütün prosesləri sürətləndirəcək.
Buna görə də, onu gecikdirməyin və cihazın xəbərdarlığına reaksiya
verin.
Cihazınızdan nə qədər çox istifadə edirsinizsə, proqramlardan və
veb-brauzerdən bir o qədər çox məlumat telefonunuzun keşində və
yaddaşında saxlanılır. Böyük miqdarda məlumat yaddaşı "tıxaya" və
prosessoru həddən artıq yükləyə bilər. Beləliklə, smartfonunuzda
daimi olaraq təmizlik edin.
İstifadə etmədiyiniz proqramları cihazınızda saxlamayın. Çünki
onlar yer tutur və qadceti yavaşladır. Siz batareyaya qənaət etmək
və daha az datadan istifadə etmək üçün fonda işləyən bütün
proqramları da bağlayın.
- Telefon batareyasının köhnəlməsi
Bəzi smartfonlarda, məsələn, “iPhone”da köhnə batareya cihazın
yavaş işləməsinin səbəbkarı ola bilər. Köhnə batareyalar əməliyyat
sisteminin performansında və emal sürətində yavaşlamasına gətirib
çıxarır. Bununla bağlı mütəxəssislərlə məsləhətləşməlisiniz və
lazım olduqda batareyanı dəyişdirməlisiniz.
Müasir telefonlar adətən bir neçə saat ərzində maksimum enerji ilə
doldurulur, ona görə də onları uzun müddət şarjda saxlamağa ehtiyac
yoxdur.
Mənbə: lent.az