Türkiyə-Azərbaycan birliyi təkcə region üçün deyil, Avrasiya üçün
də mühüm amilə çevrilib
- bu haqda Azərbaycan Prezidenti İlham Əliyev Türkiyəyə səfəri
zamanı açıqlayıb.
Türkiyə Prezidenti Rəcəb Tayyib Ərdoğanla görüşdən sonra Əliyev
qeyd edib ki, təkcə bölgədə deyil, dünya çapında Türkiyənin
mövqeyindən bir çox məsələlər asılıdır.
“Türkiyə bu gün dünya çapında söz sahibidir”- İlham Əliyev qeyd
edib.
Azərbaycan Prezidenti bildirib ki, Türkiyə regionda sülhün,
sabitliyin və əməkdaşlığın qarantıdır. O, ikinci Qarabağ müharibəsi
zamanı Türkiyənin həmişə Azərbaycanın tərəfində olduğunu qeyd
edib.
“Sülh yolu ilə həll edə bilmədiyimiz tarixi məsələmizi
döyüş meydanında həll etdik. Azərbaycan xalqı Türkiyənin dəstəyini
unutmayacaq. Türk dünyasının birləşməsi, ortaq mədəniyyətlərə malik
xalqların birgə yaşaması Türk Dövlətləri Təşkilatının hər bir
üzvünü gücləndirəcək” - deyə İlham Əliyev qeyd
edib.