Gürcüstan parlamentinin sədri bəyan edib ki, müxalifət xalqda
hakimiyyətə qarşı nifrəti qızışdırmağa çalışır və buna görə də
onları rusiyapərəst adlandırır.
O, bu barədə parlamentin 2023-cü ildə fəaliyyəti haqqında hesabatı
parlamentə təqdim etdikdən sonra deputatların suallarını
cavablandırarkən danışıb.
"Ritorik olaraq baxsaq, həmkarlarımız Rusiya və
rusiyapərəstliyi qışqırmaqla özlərini tanıdırlarsa, komik
davranırlarsa… Əgər doğrudan da öz dediyinizə inanırsınızsa, onda
əlinizdə Avtomat tutub bu hökumətə qarşı üsyan etməlisiniz. Buna
inanırsınızmı?
İnanmırsınız, çünki sizin belə sivil münasibətiniz var. Və əgər
ruspərəstliklə bağlı bu nağıla inanmırsınızsa, hakimiyyətə, onun
“rusiyapərəstliyinə” görə xalqda dövlətinə qarşı nifrət oyadaraq
insanların əsəbləri ilə oynamağınıza nə ad verə
bilərik?”, - Şalva Papuaşvili bildirib.
2023-cü il fəaliyyəti ilə bağlı hesabatın təqdimatı zamanı
parlament sədri müxalifətin fəaliyyətini tənqid edib.