"Transparency International - Georgia" (TI) 2023-cü il oktyabrın 1-dən dekabrın 31-dək olan dövrdə partiya ianələrini öyrənib. Təşkilatın məlumatına görə, hesabat dövründə “Gürcü arzusu”nun aldığı ianələrin sayı kəskin artaraq 9,5 milyon lariyə yaxın olub.

Araşdırma müəlliflərinin fikrincə, bu rəqəm bütün tərəflərin qəbul etdiyi ianələrin 93%-ni təşkil edir. Sənəddə oxuyuruq ki, bütün müxalifət partiyaları ümumilikdə 700 000 lari ianə alıblar və “Gürcü arzusu”nun aldığı ianə bütün digər partiyaların cəmindən 13 dəfə çoxdur. Tİ-nin hesabatına görə, 284 nəfər “Gürcü arzusu”na, 130 nəfər ümumilikdə bütün digər partiyalara pul verib.

Hesabat müəlliflərinin sözlərinə görə, 2023-cü ilin ikinci yarısında hakim partiyanın donorları ilə əlaqəli on bir şirkət 200 milyon laridən çox tenderdə qalib gəlib, eyni şirkətlər 2013-cü ildən bu yana 1,7 milyard laridən çox tenderin qalibi olub.

Bundan əlavə, sənəddə oxuyuruq ki, 2023-cü ilin ikinci yarısında “Gürcü Arzusu”nun donorlarına aid 24 şirkət 616 min lari, 2013-cü ildən isə həmin şirkətlər 10-dan artıq məbləğdə sadələşdirilmiş alış müqaviləsi alıblar.

“Transparency İnternational - Georgia”nın məlumatına görə, iri biznes qruplarının direktorları və tərəfdaşları ilə yanaşı, hakim partiyanın donorları çox vaxt şirkətlərdə maliyyə işçisi, geoloq, mexanik, emalatxana rəhbəri və s. kimi vəzifələrdə çalışan insanlardır.

TI hesab edir ki, bu hal onların “donor” olması şübhəsini yaradır, real donor isə ört-basdır edilir ki, bu da qanun pozuntusudur.

Təşkilatdan verilən məlumata görə, bu cür təcrübələr RMG qrupu, “Anagi” qrupu, “Alliance” qrupu və “Next” qruplarının işlədiyi donorlarla bağlı müşahidə olunub:

Qurumun məlumatına görə, 2023-cü ilin 4-cü rübündə korrupsiyaya qarşı mübarizə orqanı qanuna uyğunluğunu yoxlamaq məqsədilə 11 müxtəlif tərəfə donor olan 350 nəfər haqqında gəlirlər xidmətindən məlumat istəyib 175 nəfər “Gürcü arzusu”na, 175 nəfər isə digər partiyalara ianə verib.

Tİ qeyd edir ki, 2023-cü ilin dekabrında qanunvericiliyə edilən dəyişikliklərlə hüquqi şəxslər tərəfindən partiyaya ianə verilməsi qadağan edilib, həmçinin partiyaların il ərzində çəkdiyi xərclərin yuxarı həddi azaldılıb.

Təşkilat hesab edir ki, dəyişikliklər əsasən formal xarakter daşıyır və hakim partiya ilə digər partiyalar arasında böyük maliyyə fərqini aradan qaldırmayacaq.