“Demokratiya Araşdırmaları İnstitutu” təmaslara əsaslanaraq
yazıb ki, ötən həftə Qali bölgəsində Rusiya dövlət nömrə nişanlı
yük maşınlarının Enquridən Gürcüstan istiqamətində və əks
istiqamətdə aktiv hərəkəti müşahidə olunub.
“Maşınların bir qismini Abxaziyanın “Daxili İşlər
Nazirliyinin Dövlət Avtomüfəttişliyinin (QAI deyilən)” maşınları
Enguri körpüsünə aparıb. Bundan əlavə, yük maşınları ilə “sərhəd
keçid məntəqəsi” Moskva vaxtı ilə axşam saat 19:00-dan sonra,
Rusiya və Abxaziya tərəfləri bütün digər istifadəçilərin, ilk
növbədə Qali bölgəsinin sakinlərinin hərəkətini qadağan etdikdən
sonra keçib.
Abxaziyanın de-fakto və Rusiya təhlükəsizlik xidmətləri bu yük
maşınlarının hərəkətini foto və video materialda çəkmədiklərini
istisna etmək üçün yerli sakinləri axtarırlar”, -
DRI-nin dərc etdiyi məlumatda qeyd olunur.
Onların sözlərinə görə, Gürcüstan parlamenti sədrinin birinci
müavini və “Gürcü arzusu”nun liderlərindən biri Qiorqi Volskinin
Rusiya hakimiyyətinə yaxın olan iş adamı Davit Xidaşeli ilə görüşü
və söhbətlərinin təfərrüatlarının açıqlanmaması Gürcüstan
mətbuatında Gürcüstan hakimiyyətinin işğal olunmuş Abxaziya
ərazisindən maşınların gizli keçməsinin hansı məqsədlərə xidmət
etdiyi sualını növbəti dəfə gündəmə gətirib.
“Gürcü arzusu”nun liderləri bu mənfi tendensiyanı
Rusiya ilə yük dövriyyəsinin artması hesabına Gürcüstan
iqtisadiyyatının yüksəlişi və ya ən azı Abxaziyanın Gürcüstana
inteqrasiyası siyasəti kimi təqdim edə bilərlər. Bununla belə,
sağlam düşüncə nəzərə almağı tələb edir ki, Rusiya, hətta onun
əlaltısı Abxaziyanın de-fakto hökuməti Gürcüstanın maraqlarını nə
dərəcədə rəhbər tutmağa həvəslidir?
Açığı, burada yeganə məntiqi nəticə ondan ibarətdir ki, Gürcüstanda
hakimiyyətdə olan siyasi güc Rusiya ilə əməkdaşlıq edərkən yalnız
öz dar maraqlarını rəhbər tutur. Bu kontekstdə ritorik sual yaranır
ki, Gürcüstan hökumətinin siyasəti onun Rusiyanın proxy rejimi kimi
vəftiz etdiyi de-fakto Abxaziya hökumətindən nə dərəcədə
fərqlənir?”, - məlumatda oxuyuruq.
Bizi Teleqramda izləyin! Yeni xəbərlər anında kanalda!
Linkə daxil olub
abunə olun!
Bizi WhatsAppda izləyin! Yeni xəbərlər anında kanalda!
Linkə daxil olub
abunə olun!
Digər maraqlı xəbərlər
"Marneuli" radiosunun
Facebook səhifəsində.
Bizi
"Telegram"da
izləyin.
Şahidi olduğunuz hadisələri çəkib bizə göndərin!
+995557994415