Parlamentin sədri Şalva Papuaşvilinin sözlərinə görə, prezident Salome Zurabişvili vetonu aşsa da, seçki məcəlləsinə dəyişiklikləri imzalamasa, bunu bazar ertəsi, martın 25-də özü edəcək.

"Seçki islahatına gəlincə, bilirsiniz ki, vetonu dəf etdik. Belə görünür ki, xanım Salome [Zurabişvili] veto dəf olunsa da, onu imzalamaq niyyətində deyil. O, etməsə də, fərqi yoxdur bazar ertəsi bu dəyişikliyi imzalayacağam və qüvvəyə minəcək”, - Papuaşvili qeyd edib.

Seçki Məcəlləsinə dəyişikliklər haqqında qanun layihəsinə görə, MSK sədri və üzvlərinin 5 il müddətinə seçildiyi 76 səs əvəzinə, indi 90 səsin, yəni səsvermənin 3/5-nin səfərbər edilməsi lazım gələcək. 90 səs toplanmadığı təqdirdə yenidən 76 səs sistemi ilə qərar veriləcək. Əgər qanunverici orqanda 76 səs belə razılaşdırılmasa, o zaman parlament namizədləri Gürcüstan prezidentinə təqdim edəcək və prezident qərarı təkbaşına verəcək.

Həmçinin, dəyişikliklər qüvvədə qalır ki, ona əsasən parlamentin sədri prezident əvəzinə namizədlərin seçimi müsabiqəsini elan edəcək, parlament sədri MSK sədrinin və MSK üzvlərinin namizədliyini parlamentə təqdim edəcək.

Qəbul edilən dəyişikliklərlə MSK-nın partiya üzvlərindən şəxsin təyin olunduğu və müxalifətin kvotasını təmsil edən MSK sədrinin müavini vəzifəsi ləğv edilir.
Fevralın 20-də parlament Seçki Məcəlləsinə dəyişiklikləri 3-cü oxunuşda qəbul edib. Dəyişiklik MSK sədrinin və üzvlərinin seçilməsi proseduruna aiddir. 81 deputat qanun layihəsini dəstəkləyib, 6 deputat isə əleyhinə səs verib.

Martın 5-də Salome Zurabişvili seçki məcəlləsinə dəyişikliklərə veto qoyub.

Martın 19-da isə parlament Prezidentin Seçki Məcəlləsinə dəyişikliklərə qoyduğu vetonu dəf edib. Plenar iclasda qanun layihəsinin ilkin variantını 78 deputat dəstəkləyib, 13 deputat isə əleyhinə səs verib - nəticədə əksəriyyət vetodan üstün olub.

 

---

Bizi Teleqramda izləyin! Yeni xəbərlər anında kanalda! Linkə daxil olub abunə olun!
Bizi WhatsAppda izləyin! Yeni xəbərlər anında kanalda! Linkə daxil olub abunə olun!

---

Digər maraqlı xəbərlər "Marneuli" radiosunun Facebook səhifəsində.
Bizi "Telegram"da izləyin.
Şahidi olduğunuz hadisələri çəkib bizə göndərin! +995557994415

---