USAID-in yeni layihəsi Gürcüstanın təhsil sektoruna 14 milyon ABŞ
dolları məbləğində maliyyə ayıracaq.
Proqramın təqdimatı bu gün Gürcüstan İncəsənət Muzeyində
keçiriləcək. Tədbirdə təhsil və elm naziri Qiorqi Amilaxvari,
USAID-in Avropa və Avrasiya Bürosunun administratorunun müavini,
səfir Erin Elizabet Makii iştirak edəcək.
USAİD-in Gürcüstanın Təhsil və Elm Nazirliyi, Amerika Birləşmiş
Ştatlarının Arizona Dövlət Universiteti (ABŞ), ABŞ Ümumdünya
Məktəblər Şəbəkəsi və Corciya Universiteti ilə birgə həyata
keçirdiyi “Gələcək üçün Təhsil” proqramı, şagird mərkəzli məktəb
mühitlərini və keyfiyyətli təhsilə çıxışı yaxşılaşdırmaq məqsədi
daşıyır. Proqram beynəlxalq inkişaf konsaltinq şirkəti Chemonix
tərəfindən həyata keçirilir.