Marneuli şəhər 2 saylı ictimai məktəbinin “Bizim gələcəyimiz
üçün” vətəndaş və eko-klubu Niko Ketsxoveli məktəb mükafatının
qalibi olub.
Qaliblər final görüşündə – 6 noyabr tarixində keçirilən tədbirdə
mükafatlandırılıblar. Pedaqoq və həmin klubun qəyyumu Temur
Suğaşvili bizimlə söhbəti zamanı bildirdi ki, onların fəaliyyətinin
əsas istiqamətlərindən biri həmişə ekologiya ilə bağlı işlər
olub.
Pedaqoq deyir ki, qazandıqları mükafat – 5000 lari ilə Eko-gəzinti
klubu yaradacaqlar. Klub bir neçə mühüm məqsədə nail olmağa
istiqamətlənəcək.
“Niko Ketsxoveli məktəb mükafatı davamlı inkişaf
məqsədlərinin məktəb səviyyəsində tətbiq edilməsinə xidmət
göstərir. Bizim məktəb və məktəbin Vətəndaş Klubu bu istiqamətdə
ötən illərdə də fəal şəkildə işləyirdi. Amma ötən il məktəb
mükafatında iştirak etməyə qərar verdik. Çünki yaxşı təcrübəmiz var
idi. Bu fəaliyyətə qoşulduq, 4170 “ting” topladıq, bu “tinglər”
finalda 4,17 xal hesablandı. Dünənki final bloku çox mühüm hissə
idi. 35 məktəb iştirak edirdi, onlar arasında ən yaxşısı
Marneulinin 2 saylı ictimai məktəbi oldu. Bu qələbə bizim ekoloji
fəaliyyətimiz üçün çox mühümdür. Ekospikerlər təşəbbüslərini
səsləndirdilər. Əgər qalib gələrsək, 5000 lari dəyərində mükafatı
Marneulidə Eko-gəzinti klubu yaratmağa xərcləmək istəyirik. Bu klub
qızları və oğlanları birləşdirəcək, bir neçə məqsədə xidmət
göstərəcək. Onlardan biri gender bərabərliyi, qoruqda olan
ərazilərin məşhurlaşdırılması, meşənin qayğısına qalma
bacarıqlarının inkişafı və. s olacaq”, – Temur
Suğaşvili bildirir.
Gənclərin Ətraf Mühit Müsabiqəsi – Niko Ketsoxevli məktəb mükafatı
CENN tərəfindən “Gürcüstanda meşənin davamlı idarə edilməsi”
layihəsi çərçivəsində, Avstriyanın İnkişaf Əməkdaşlığının/Austrian
Development Cooperation maliyyə dəstəyi ilə 2015-ci ildə təsis
edilib.
Müsabiqənin əsas məqsədi məktəb şagirdlərinə davamlı inkişaf
məqsədləri haqqında məlumat verilməsi, təbii və sosial mühitin
yaxşılaşdırılması üçün öz əlləri ilə dəyişikliklər həyata keçirmək
imkanlarının göstərilməsidir. Müsabiqəyə qoşulmuş şəxslərin özləri
davamlı inkişaf prosesinin iştirakçısı olurlar.