Gürcüstan Xarici İşlər nazirinin müavini Laşa Darsalia hazırda
Gürcüstan Baş Prokurorluğunda dindirilir.
Əldə edilən məlumatlara görə, Darsaliaya Davit Qareci ilə bağlı
suallar verilir.
Xatırladırıq ki, Gürcüstan Baş Prokurorluğu Dövlət Təhlükəsizliyi
Xidməti ilə birlikdə Gürcüstan Xarici İşlər Nazirliyinin Qonşu
Ölkələr Departamentinin Sərhəd Əlaqələri Xidmətinin rəisi İveri
Melaşvili və Daxili İşlər Nazirliyinin Torpaq Sərhədlərini Mühafizə
İdarəsinin baş müfəttişi Natalya İliçovanı saxlayıb.
Prokurorluğun məlumatına görə, məhkəmə hesabatında delimitasiya
prosesindəki müttəhimlərin 1970-80-ci illərdə çıxarılan xəritələrdə
çəkilmiş sərhəd xətlərini rəhbər tutduqları aydın olub. Bu isə
ölkənin tarixi sərhədləri ilə, o cümlədən David Qareci ilə əlaqəli
məsələdə Gürcüstanın maraqlarına zidd qərarın verilməsinə yol
açıb.