Fransada nəqliyyat dayanmadı, amma avtobusların sayı artdı, bizim
isə belə bir imkanımız yoxdur - deyə, Xəstəliklərə Milli Nəzarət
Mərkəzinin rəhbəri Amiran Qamkrelidze, jurnalistin
"Heç
bir Avropa ölkəsində bələdiyyə nəqliyyatının dayandılımadığı halda,
Tbilisidə ictimai nəqliyyatın nəyə görə işləmədiyi"
sualına belə cavab verib.
Bu barədə Qamkrelidze "Palitra TV"-də "Polit-şəhər" televiziya
proqramında danışıb.
Amiran Qamğrelidzenin fikrincə, pandemiya ilə mübarizənin ən ciddi
yolu, xüsusən də aktiv peyvəndləmə başlayanadək hərəkətliliyin
azaldılmasıdır. İctimai nəqliyyat da məhz bu səbəbdən
dayandırılıb.
“Yazda və payızda da ciddi nəticələr əldə etməyimizdə
hərəkətliliyin azaldılması böyük rol oynadı. Tez-tez soruşulur -
nədir, korona gecələr yatır? Niyə məhdudiyyətlər var? Ancaq
bilinməlidir ki, bu, hərəkətliliyin azaldılmasının yollarından
biridir. Görün, Fransa nə etdi? Komendant saatını saat 6-ya çəkdi
və beləliklə gündə 12 saat hərəkət məhdudiyyəti tətbiq olundu.
Halbuki onlar artıq peyvəndə də başlayıblar, özü də bizdən güclü
bir ölkədir, elə deyil?
Tez-tez özümüzü Qərbi Avropa ilə müqaisə edirik. Orada nəqliyyat
dayandırılmayıb, ancaq əvəzində avtobusların sayı artırılıb.
Həmçinin, bu ölkələrdə nəqliyyatda məsafənin qorunmasına və
maskanın taxılmasına təmamilə başqa səviyyədə nəzarət olunur...
Ölkəmizin imkanları Fransa və İsveçrənin imkanları ilə eyni deyil.
Orada "avtobusda 20 nəfər olmalıdır" deyiləndə, buna əməl olunur,
əvəzinə avtobusların sayı artır və nəqliyyat sıx-sıx hərəkət edir.
Bunun üçün başqa resurslar lazımdır", – deyə
Qamkrelidze qeyd edib.