Allergoloq-immunoloq Bidzina Kulumbeqovun sözlərinə görə, məktəbin
təhlükəsizliyi üçün müəllimlərlə yanaşı valideynlərin də peyvənd
olunması vacibdir.
"Bunun nələrə səbəb ola biləcəyini dərk edə bilmirik. Uşaqlar
sosial ünsiyyətdən məhrum qalırlar. UNICEF də dövlətlərdən ilk
olaraq məktəblərin açılmasını və son olaraq məktəblərin
bağlanmasını xahiş edir. Bizdə isə paradoks yaranmışdı,
restoranların açıq idi, məktəblər isə bağlı. Heç bir ayrı-seçkilik
olmayacaq, Təhsil Nazirliyi, Səhiyyə Nazirliyi harada daha çox
valideynlərin peyvənd edildiyini müəyyənləşdirəcək və bu cür
uşaqların onlayn tədrisinə icazə verilməlidir. Burada
həvəsləndirici bir faktor olmalı və bununla da peyvənd prosesinə
kömək edərək valideynlərin motivasiyası artırılmalıdır. Yalnız
müəllimlərin peyvənd edilməsi kifayət deyil. Bu uşaqlar
valideynlərinin və nənə-babalarının peyvənd olunmadığı evlərdən
gəlirlər", - deyə Kulumbeqov açıqlama verib.
O, maskadan istifadə etməyin zəruriliyindən də bəhs edib, maskanın
uşaqların və böyüklərin sağlamlığı üçün təhlükə yaratmadığını
vurğulayıb.
“Uşaqların maska taxması zərərli deyil. Karbondioksidin molekulyar
ölçüsü ilə maskanın ölçüsünün uyğun gəlmədiyi elmi olaraq sübut
edilmişdir. Karbon dioksid molekullarından heç biri bizə qayıtmır.
Uşağın sağlamlığına zərər vermir. Kovid maskadan daha
təhlükəlidir", - deyə Bidzina Kulumbeqov, "Imedi
TV"-yə açıqlamasında bildirib.