“Əgər yanacağın qiyməti azalmasa, yaxud daha da artsa,
biz ola bilsin ümumiyyətlə, fəaliyyətimizi
dayandıraq”.
Marneuli-Tbilisi istiqamətində hərəkər edən maşrut sürücüləri,
yanacağın qiymətinin bahalaşmasına belə münasibət bildirirlər.
“Transkveli” MMC-nin rəhbəri, Zura Xarşiladze “Marneuli” radiosu
ilə söhbəti zamanı bildirdi ki, yanacağən bahalaşdığı təqdirdə
Marneulidən Tbilisi istiqamətində işləmək onlar üçün sərfəli
deyil.
“Gediş haqqını artırmaq istəyirdik. Ancaq alınmır, yeni ilə qədər
gediş haqqı 2.50 idi. İki aydır gediş haqqını artırmışıq və 3 lari
olub. Çox vaxt ziyana da işləyirik. Ola bilsin tamamilə dayanaq,
çünki gediş haqqını artıra bilmərik. Onsuz da sərnişin azdır və
hamısını itirəcəyik. Əvvəllər gündə 18 maşın işləyirdi, indi 10
güclə işləyir. Pandemiyaya qədər gündə 800, şənbə-bazar günləri isə
500 sərnişin olurdu. İndi sərnişinlər çox azdır. Yanacağın
qiymətinin artırılması bizə ikinci zərbədir. Dedilər ki, aksiz
dəyərini azaldacaqlar və əgər doğrudursa, heç nə olmaz, indi əsasən
qazla işləyən marşrutlar çalışır”, – Xarşiladze
bildirdi.
“Ekspress” MMC şirkətinin sahibi, Manuçar Qelaşvilinin sözlərinə
görə, Marneuli-Tbilisi istiqamətində hərəkət edən minivenlərin
gediş haqqı artmayacaq. Çünki bütün maşınlar qazla işləyir.
“Bizim maşınlar qazla işləyir və əgər qazın qiyməti
artarsa, gediş haqqı olduğu kimi, 3 lari qalacaq”, –
Qelaşvili bildirdi.
27 mart tarixində, vətəndaşlar Gürcüstanda yanacağın qiymətinin
artmasına etiraz ediblər. Onların tələbi yanacaqda aksiz vergisinin
ləğv edilməsi və ƏDV-nin rejiminin dəyişdirilməsi idi. Aksiya
iştirakçılarının sözlərinə görə, bu yanacağın qiymətinin 80-90
tetri ucuzlaşmasına səbəb olacaq. Vətəndaşlar Tbilisi, Kutaisi,
Batumi və Ozurgetidə də yanacağın qiymətinin artmasına etiraz
ediblər.