Şərabçı Sopo Bartkulaşvili dörd ildir ki, yaşamaq üçün Tbilisidən
Marneuli bələdiyyəsinə, Tamarisi kəndinə köçüb. Qardaşı ilə
bilrikdə öz həyətində becərdiyi üzümlə şərab hazırlamağa başlayıb.
Bacı-qardaş Bartkulaşvililərin ailə zirzəmisində hazırlanmış şərabı
“mələk töhfəsi” adlandırıblar. Ailə artıq bir neçə növ üzüm
istehsal edir. Sopo deyir ki, şərabçılıqla yanaşı, qədim əşyalar da
toplayır və Bartkulaşvililər mərənində, demək olar hər
künçdə qədim
əşyalar yerləşdirilib.
Ailə əsasən qırmızı şərab istehsal edir. Ancaq onun sözlərinə görə,
ötən il yerli üzümçülərdən də üzüm alıblar və bazara satış üçün ağ
üzüm də çıxarıblar.
“Mən və ailəm Tbilisidən Marneuliyə köçməyə qərar
verəndə, mənim yaxınlarım və dostlarım üçün bu şok idi. Dostlarım
deyirdilər ki, Tbilisidə doğulub böyümüşəm, orada necə yaşayacağam.
Hamı bu sualı verirdi. Əvvəl demək olar hər gün Tbilisiyə gedirdim
və sonra artıq dostlarım buraya gəlməyə başladılar. Buraları
xoşladılar və məkanı da bəyəndilər. İxtisasımdan irəli gələrək,
həmişə istəmişəm ki, şəhərdən kənar evim və təsərrüfatım olsun.
Düşünürdüm ki, təsərrüfata nəzarət etmək üçün şənbə-bazar oraya
getmək kifayət edəcək. Ancaq indi buradayam və başa düşürəm ki,
şənbə-bazar kifayət etmir. Xoşuma gəlir və burada olna həyatım məni
qane edir. Biz əsasən qırmızı şəraba, Aladastura aksent etmişik.
Sonra artıq gələn ildən düşünürük ki, başqa növlər də istehsal
edək. Heç bir əlavə yoxdur və süzülməyib. Şərabı əsasən
festivallarda yaxud internet vasitəsi ilə satırıq” –
şərabçı bildirdi.
Sopo Bartkulaşvilinin sözlərinə görə, onun əcdadları hələ almanlar
yaşayan zaman Tamarisidə məskunlaşıblarmış. O zaman kənd Taumberk
adı ilə tanınırmış.
“Bizim bu kəndə gəlməyimiz babam Nikolozla əlaqədardır.
Burada almanlar yaşayırmış, şərab zavodu var imiş və çəlləkçi lazım
olub. Babam isə ixtisasca çəlləkçi idi və buradan irəli gələrək,
buraya köçməli olub. Ev tikib və işləməyə başlayıb, çəllək
düzəldimiş. Onun düzəltdiyi çəlləklərin bir qismi mərəndədir. Bizim
yaşadığımız bu evi sonra atam tikdi. Yayda gəlirdik, sonra
böyüyəndə bu evə bir status vermək istədik, burada daha çox vaxt
keçirmək istəyirdik. Atam rəhmətə getdi və yəqin bu da mənə,
qardaşıma təsir etdi ki, bu gün burada etdiyimiz iş barədə
düşündük. Burada övladım, anam və qardaşımla birlikdə
yaşayıram.”
Şərabçı-üzümçülər gələcəkdə, əmlakda olan torpaq sahəsində
üzümçülük təsərrüfatı salmaq planlaşdırırlar ki, daha çox şərab
istehsal etsinlər. Sopo deyir ki, planında ailə tipli mehmanxana
düzəltmək də var.