4 aprel tarixində Marneuli Mülki Məşğulluq Mərkəzində “Gürcüstan
Strategiya və İnkişaf Mərkəzi” qeyri-hökumət təşkilatının
nümayəndələri yerli sahibkarlarla məlumat xarakterli görüş
keçiriblər.
“Gürcüstanda istehsal et” “Mikro və kiçik biznesə dəstək – 2022”
dövlət proqramına başlayır. Proqramın məqsədi mikro və kiçik
biznesin inkişafı, müasir sahibkarlıq təcrübəsinin tətbiq edilməsi,
yeni iş yerlərinin yaradılması və yerli sakinlərinin gəlirinin
artırılmasıdır.
“Gürcüstan Strategiya və
İnkişaf Mərkəzi” qeyri-hökumət
təşkilatının nümayəndələrindən Mariam İmerlişvili “Marneuli”
radiosuna bildirdi ki, onların məqsədi qrant imkanları və
maliyyələşdirmənin yerli sakinlər üçün əlçatan olmasıdır. Onun
sözlərinə görə, görüşün məqsədi əhalinin proqramla bağlı
məlumatlandırılmasıdır.
“Gürcüstan Strategiya və İnkişaf Mərkəzi” qeyri-hökumət
təşkilatının ev sahibliyi etdiyi əvvəlki görüş daha çox araşdırmaya
istiqamətlənmişdi. Bizim məqsədimiz yerli sahibkarların ehtiyacını
araşdırmaq və eləcə də yerli biznes mühitin qiymətləndirilməsi idi.
Bugünkü görüşü məlumatlandırma kampaniyası çərçivəsində keçiririk,
məqsədimiz maraqlanan şəxslərin “Gürcüstanda istehsal et” proqramı
çərçivəsində mikro və kiçik biznesə dəstək barədə
məlumatlandırılmasıdır. Onlara qeydiyyat prosesinin necə aparılması
və onların biznes ideyasının qalib gələnə qədər hansı mərhələdən
keçməsi barədə məlumat çatdırırıq”, – Mariam
İmerlişvili bildirdi.
Layihə koordinatorunun sözlərinə görə, Kvemo Kartlidə görüşlər bir
neçə bələdiyyədə keçirilib və Marneulidə bundan başqa bir görüş
yenə keçiriləcək.
Mikro və kiçik biznesə dəstək proqramı 2022-ci ilin 21 mart
tarixində başlayıb və ərizələrin qəbulu üç həftə davam edəcək.
Proqram çərçivəsində 300-dən artıq iqtisadi fəaliyyət, həmçinin,
istehsal və xidmət sektorlarına dəstək göstərilib.
Həmçinin, sonrakı fəaliyyətlər prioritetdir:
- Yeni biznesə başlamaq
- Qadın sahibkarın biznesə başlaması/biznesin genişləndirilməsi
- Məcburi köçkün şəxslərin-qaçqınların biznesə başlaması/biznesin
genişləndirilməsi
- Fiziki imkanları məhdud şəxslərin biznesə başlaması və mövcud
biznesin genişləndirilməsi
- Kənddə/dağlıq kəndlərdə biznesə başlanılması/biznesin
genişləndirilməsi
- Gənc (29 yaşa qədər) sahibkar subyektlərin biznesə başlaması və
mövcud biznesin genişləndirilməsi
- İntelektual xidmətə istiqamətlənmiş layihələr
- Yerləşdirmə və turizm xidmətlərinə istiqamətlənmiş layihələr
- Yüksək inkluzivliyi olan sektora istiqamətlənmiş
layihələr
Maddi dəstək potensial benefisiarlara məqsədli qrantların
ayrılmasını nəzərdə tutur. Qrant maksimum 30 000 laridir (pilot
regionlarda 40 000 lari).
Proqram bütün Gürcüstan ərazisində müxtəlif regionlarda həyata
keçirilir.