Poti şəhərində gənc boksçular arasında 2022-ci ilin Gürcüstan
çempionatı başlayıb. Çempionatda Marneuli İdman Məktəbinin
yetirmələri də iştirak edirlər.
Marneuli İdman Məktəbinin Mətbuat Xidmətindən “Marneuli” radiosuna
bildirdilər ki, çempionatda 150-yə yaxın idmançı iştirak edir.
“Yarışda Gürcüstanın 25 şəhər və rayonunun boksçuları
iştirak edir. Marneulidən isə 5 idmançı gedib. Onlar Əli Əhmədov,
Cəlal Salahlı, Renat Bezalov, Əli Məmmədov və Qiorqi
Qucecianidir”, – İdman Məktəbindən bildirdilər.
Gənc boksçular arasında Gürcüstan çempionatı 5 aprel tarixində
başlayıb və 10 aprel tarixində başa çatacaq.