Gürcüstan Maliyyə Nazirliyinin İstintaq Xidməti “aptek
narkomanlığı” faktlarının aşkar edilməsi məqsədilə fəal
əməliyyat-istintaq fəaliyyətini davam etdirir.
Agentliyin məlumatına görə, mayın əvvəlində Tbilisi üzrə aparılan
kompleks tədbirlər nəticəsində qanun pozuntusu ilə fəaliyyət
göstərən 17 aptek müəyyən edilib.
“Aparılmış əməliyyat-axtarış tədbirləri nəticəsində adıçəkilən
aptek müəssisələrinin fəaliyyətləri üçün zəruri icazə sənədlərinin
olmadığı, onlardan müxtəlif adda və xüsusi nəzarətdə olan psixotrop
vasitələrin reseptsiz satıldığı müəyyən edilib.
Keçirilən əməliyyat-axtarış tədbirləri nəticəsində külli miqdarda
psixotrop dərman vasitələri, onların satışından əldə edilmiş pul
vəsaitləri, məlumat və sənədləri özündə əks etdirən kompüter
avadanlığı aşkar edilərək götürülüb.
İstintaq Xidmətindən verilən məlumata görə, müvafiq
əməliyyat-istintaq tədbirləri davam etdirilir.
Sözügedən cinayət Gürcüstan Cinayət Məcəlləsinin 192-ci maddəsi ilə
1 ildən 3 ilədək müddətə azadlıqdan məhrum etmə ilə
cəzalandırılır”, - dərc olunan məlumatda qeyd
olunur.