Telavi Rayon Məhkəməsi nənəsinə qarşı cinsi təcavüzdə
təqsirləndirilən şəxsi günahsız hesab edib.
Yerli media təqsirləndirilən şəxsin vəkilinin şərhini yayıb.
Vəkilin sözlərinə görə, təqsirləndirilən şəxsə qarşı heç bir sübut
yoxdur və hakim ədalətli qərar çıxarıb.
“Qərar ədalətli və düzgündür, çünki müvəkkilimə qarşı
sübutlar yetərli deyildi. Zərərçəkmiş ölüb, lakin onun ifadəsi
iclasda oxunub”, - vəkil bildirib.
Zərərçəkmiş
kimi tanınan qadın işin gedişi zamanı dünyasını
dəyişib.
Gənc aprelin 22-də saxlanılıb. İstintaqın məlumatına görə, müttəhim
fiziki zorakılıq və zorakılıq hədələri ilə nənəsinə qarşı sistemli
şəkildə cinsi hərəkətlər edib. Nəvə cinayəti ört-basdır etmək üçün
nənəsini ölümlə hədələyərək yataq otağına kilidləyib.
Hadisə ilə bağlı istintaq Gürcüstan Cinayət Məcəlləsinin 7 ildən 10
ilədək azadlıqdan məhrumetməni nəzərdə tutan 11 prima, 138 və
143-cü maddələri əsasında aparılıb.
Təqsirləndirilən şəxsin psixi sağlamlığının yoxlanılması məqsədilə
psixiatrik ekspertiza da keçirilib.
Prokurorluq birinci instansiya məhkəməsinin qərarından apellyasiya
məhkəməsinə şikayət verəcək.