Dekabrın 24-də gecə saatlarında vətəndaş Facebook sosial şəbəkəsində evsiz heyvanın zorakılığa məruz qalmasını əks etdirən video yayıb.

İlkin olaraq sosial şəbəkələrdə evsiz heyvanın ağzına partlayıcının atılması barədə məlumat yayılıb, sonradan təsdiqini tapmayıb.

Həkimlərin və heyvan müdafiəçilərinin sözlərinə görə, heyvan baş nahiyəsindən küt əşya ilə xəsarət alıb, bədənində də güllələr var. Hadisə Bağdatidə baş verib. İt əməliyyat olunmaq üçün dünən Tbilisiyə gətirilib.

Həkimlərin reaksiyasına baxmayaraq, hazırda itin vəziyyəti kritikdir. İt üçün neyrocərrahiyyə əməliyyatı planlaşdırılır. Bu barədə sosial şəbəkələrdə heyvan hüquqlarının müdafiəçisi Mişa Kaçkaçişvili məlumat yayıb.

“Bu mərhələ üçün vəziyyət stabildir, bu gün əməliyyat planlaşdırılır, dekompressiya trepanasiyası, bu mərhələ üçün biz hələ orqanizmi stabilləşdiririk, təbii ki, vəziyyət çox çətindir, mümkün qədər ümidliyik, hər şeyi etməliyik ki, yaşaya bilsin”.

Kəllə sümüyünə küt əşya ilə yara vurulub, partlayıcı maddənin olması istisna edilib, çünki ağızda yanıq yoxdur, diş, dil, damaq tam sağlamdır, ona görə də müayinə nəticəsində diaqnoz qoymuşuq, kəllə sümüyünün ağır travması var”, - cərrahın köməkçisi Konstantine Cquşia bildirib.

“Çox ağırdır. Baytarların mənə dediklərinə görə, sağ qalma ehtimalı minimumdur, yəqin ki, 1%. Çünki beyin şişməsi başlayıb […]. Ölüdür, sadəcə nəfəs alır.

Mən sizə dəqiq və qətiyyətlə deyə bilərəm ki, bu, küt əşya, dəmir, armaturla törədilib, yoxsa bilmirəm... İstintaq bunu sona qədər izləsə, məncə, bunu müəyyən etmək çətin olmayacaq”, - deyə Mişa Kaçkaçişvili “Formula”ya danışarkən bildirib.

Daxili İşlər Nazirliyinin məlumatına görə, faktla bağlı Cinayət Məcəlləsinin 259-cu (heyvanlara işgəncə vermə və ya amansız rəftar etmə) maddəsi ilə araşdırma başlanılıb.