Marneuli bələdiyyəsinin Qasımlı kəndində yeni içməli su çəni və
xlorlaşdırma üçün binanın tikintisi planlşdırılır.
Marneuli meriyasının 11 yanvar tarixində elan etdiyi tenderə görə,
yeni su çəni kənddə yerləşən köhnə su çəninin yanında
tikiləcək.
"Marneuli bələdiyyəsinin Qasımlı kəndinin əhalisinin
sayı 2002-ci ilin göstəricilərinə görə, 2800 nəfərdir. Təsərrüfat
sayı 1000-dir. Kənd Marneulinin qərbində yerləşir və onun relyefi
dağlıq hesab olunur. Kənd ərazisi torpaqüstü qaz boru sistemi,
daxili və xarici işıqlandırma dirəkləri ilə şəbəkləşdirilib. Kəndin
maili relyefi var və avtomobil yollarında kanalizasiya sistemi
olduğuna görə nəticədə yaranan səthi sular təbii olaraq dərəyə
axır", - Qasımlıda su çəninin tikintisi ilə bağlı
tenderdə qeyd olunub.
Layihə Qasımlı kəndi ərazisində kənddə mövcud çənin yanında yeni
dəmir beton 500 kub metr həcmli çənin, eləcə də xlorlaşdırma üçün
binanın tikintisi nəzərdə tutulur. Mövcud çənin və layihə ilə
nəzərdə tutulmuş çənin birləşdirilməsi suyu balanslaşdıran qab
prinsipi ilə nəzərdə tutulur.
Marneuli yerli özünüidarəsi Qasımlı kəndində 500 kub metrlik çənin
və mühafizə-xlorlaşdırma üçün binanın tikintisi üçün 431 995 lari
dəyərində tender elan edib. Tenderdə iştirak etmək istəyən
şirkətlər 28 yanvardan 2 fevral tarixinə qədər öz təkliflərini
təqdim edə bilərlər.