Marneuli yerli özünüidarəsi avtomobil almaq üçün təkrar tender elan
edib.
Marneuli meriyası artıq ikinci dəfə infrastruktur xidmətinə yeni
maşın almağa cəhd göstərir.
Özünüidarə birinci tenderi 24 noyabr tarixində elan etmişdi. 27
noyabr tarixində Marneuli meriyasının İctimaiyyətlə Əlaqələr
Şöbəsinin rəhbəri Davit Çikadze “Marneuli” radiosuna bildirmişdi
ki, meriya yeni avtomobili infrastruktur xidməti üçün alır, çünki
onların istifadəsində olan maşının istismar müddəti başa çatıb və
yenisi ili əvəz edilməlidir.
Meriya tərəfindən bir ədəd III sinif minik avtomobilinin alınması
üçün elan edilmiş birinci tender baş tutmamışdı, buna görə də
özünüidarə 15 dekabr tarixində ikinci tenderi elan edib.
Yerli özünüidarə bir ədəd III sinif minik avtomobilinin alınması
üçün 57 500 lari xərcləməyi planlaşdırır. Tenderdə iştirak etmək
istəyən şirkətlər 22 yanvardan 24 yanvara qədər tender təkliflərini
təqdim edə bilərlər.