“Ədalətli seçkilər” ISFED 2020-ci ilin Parlament seçkilərinin
seçkiqabağı monitorinqinin ikinci aralıq hesabatını yayımlayıb.
Marneulidə siyasi mənsubiyyətinə görə həyata keçirildiyi iddia
edilən təzyiq/hədələmə faktı “Ədalətli seçkilərin” hesabatında yer
alıb.
“17 iyul tarixində təxminən gündüz saat 4-də, polis Marneulinin
Araflı kəndində “Avropalı Gürcüstanın” fəal üzvlərindən biri olan
Qalib Əliyevin ailəsində axtarış aparıb. Araşdırmanın rəsmi əsası
Qalib Əliyevin evində qeydiyyatsız silahın (pistolet)
olmasıdır.
Axtarış zamanı ailə üzvlərindən birinin çəkdiyi videoda polislər
tərəfindən evə narkotik qoyulması faktı qeydə alınıb. “Avropalı
Gürcüstanın” üzvü Əhməd İmamquliyev işlə bağlı 18 iyul tarixində
Prokurorluğa şikayət ərizəsi təqdim edib”, –
təşkilatın hesabatında qeyd olunub.
“Ədalətli seçkilərin” məlumatına görə, Prokurorluq Marneulidə evə
narkotik yerləşdirilməsi iddiası ilə bağlı sürətli və şəffaf
istintaq aparmalıdır ki, ictimaiyyətdə faktın siyasi şikayət olması
ilə bağlı şübhələr qalmasın.