Marneuli merinin keçmiş müavini Laşa Lobcanidze 28 may tarixində
vəzifəsindən istefa verib.
Marneuli merinin səlahiyyətlərini icra edən Zaur Tabatadze
Lobcanidzenin yerinə Roin Dekanoidzeni təyin edib.
Marneuli merinin səlahiyyətlərini icra edən Zaur Tabatadze
“Marneulİ” radiosu ilə söhbəti zamanı bildirdi ki, Roin
Dekanoidzeni təcrübəsinə görə vəzifəyə təyin edib.
“Niyə seçdik? çünki çox təcrübəli, yerli kadrdır.
Hüquqi təhsili var və hazırlığı, siyasi baxışı, dövlətçiliyə baxışı
ilə bu vəzifəyə tam uyğundur. Niyə imtina etməli idik? əksinə, belə
mütəxəssisi axtarmalıyıq və əgər varımızdırsa qəbul etməliyik. Məhz
buna görə bu qərarı verdik”, – Zaur Tabatadze
dedi.
Marneuli meriyasından “Marneuli” radiosuna bildirdilər ki, Roin
Dekanoidze Laşa Lobcanidzenin funksiyalarını icra edəcək.
“Sevinirəm ki, sizin komandaya qoşuldum. Öz əmək və
peşəkarlığımla bələdiyyəmizin inkişafı prosesinə öz töhfəmi verməyə
hazıram. Ümid edirəm ki, bələdiyyənin inkişaf prosesində
problemlərə birgə qalib gələcəyik və daha çox uğur əldə edəcəyik.
Etimadınız üçün sağ olun”, – Marneuli meriyası
Dekanoidzenin bəyanatını yayımlayıb.
Qeyd edək ki, Roin Dekanoidze ötən illərdə Qldani həbsxanasının
direktor müavini, daha sonra isə Kutaisi 2 saylı cəzaçəkmə
müəssisəsinin direktoru olub.