Marneulili boksçu Qiorqi Jorjoliani Xorvatiyada keçirilən Avropa
çempionatında iştirak edəcək.
Bu barədə İdman Məktəbinin rəhbəri Mamuka Naveriani "Marneuli"
radiosuna bildirib. Onun sözlərinə görə, çempionat 11 mart
tarixində başlayıb və 24 marta qədər davam edəcək.
"Yarışda Gürcüstan milli yığmasının 22 yaşa qədər
idmançıları iştirak edir. Qiorqi Jorjolianinin ilk yarışı 15
martda, 71 kiloqram çəki dərəcəsində olacaq. Mən ona uğurlar
arzulayıram", – İdman Məktəbinin rəhbəri
bildirdi.
Naverianinin sözlərinə görə, Qiorqi Jorjoliani uşaqlıqdan bu idman
növü ilə məşğul olur. O, iki dəfə Gürcüstan çempionu olub. Bir dəfə
Avropada üçüncü yerin sahibi olub. Avropa çempionatına yığma ilə
birlikdə Gürcüstan Boks Milli Federasiyasının prezidenti Davit
Tskilauri və vitse-prezident Bakut Qoqoçuri də gedib.