Bu gündən Gürcüstanda birinci siniflərin qeydiyyatının 1-ci
mərhələsinə başlanılıb və 26 mart tarixinə qədər davam edəcək. 1-ci
mərhələdə xüsusi təhsilə ehtiyac duyan uşaqlar qeydiyyatdan
keçiriləcək.
Marneuli bələdiyyəsinin Resurs Mərkəzinin nümayəndəsi İrma Davadze
“Marneuli” radiosu ilə söhbəti zamanı bildirdi ki, proses onlayn
aparılır və indiki mərhələdə neçə nəfər birinci sinif şagirdinin
qeydiyyatdan keçdiyi məlum deyil.
“Multidissiplin komanda qiymətləndirir yaxud qiymətləndiriləni
fiziki imkanları məhdud olan şəxs kimi ya məktəbdə saxlayır ya da
saxlamır. Hələ bilmirik indiki mərhələdə neçə uşaq qeydiyyatdan
keşib. Çünki bu proses onlayn olur və monitorinq edə
bilmirik”- Davadze bildirdi.
II mərhələ - İkinci mərhələdə qeydiyyat 2 maydan 13 maya qədər
mümkün olacaq və məktəbə qeydiyyatdan keçəcək uşaqlar:
a) Eyni məktəbə gedən bacı-qardaş;
b) Valideyn/qəyyum həmin ictimai məktəbin əməkdaşıdır;
c) Ailədən eyni vaxtda iki ya daha çox uşaq birinci sinifə
gedir.
Bu mərhələdə qeydiyyat valideynin/qanunu nümayındənin təqdim etdiyi
vacib sənədlər əsasında, ictimai məktəblərdə həyata keçirilir.
Qeydiyyatı ictimai məktəb təmin edir.
III mərhələ - ümumi qeydiyyat – 17 mayda başlayacaq və 8 iyuna
qədər davam edəcək.
Qeydiyyat Təhsilin İdarəsi Məlumat Sisteminin rəsmi veb
–səhifəsində, registration.emis.ge-də həyata keçiriləcək.
Qeydiyyatı valideyn/qanuni nümayəndə təmin edir. Elektron qaydada
qeydiyyatdan keçmiş şagirdin qəbul olması üçün vacib sənədlərin
təqdim edilməsi 13 iyundan 24 iyuna qədər həyata keçiriləcək.
Tətbiq edilmiş vaxtda sənədlər təqdim olunmazsa, qeydiyyat
avtomatik olaraq ləğv olunacaq.
IV mərhələ - 28 iyundan 12 iyula qədər məktəblərdə həyata
keçiriləcək. Bu mərhələdə azad edilən vakant, yaxud qalmış boş
yerlərə I, II və III mərhələlərdə qeydiyyatdan keçə bilməyən, yaxud
qeydiyyatı dəyişmək istəyən şagirdlər qəbul olunacaq.
Marneuli Resurs Mərkəzindən bildirirlər ki, hər il bələdiyyədə
1700-1800 birinci sinif şagirdi qeydiyyatdan keçir.