Marneulidə, Qamsaxurdia 4 ünvanında Ümumi Mülki Hərəkat
“Çoxmillətli Gürcüstan” Avropa Komissiyasının maliyyə dəstəyi ilə
Etnik Azlıqların Sosial və İqtisadi Hüquqlarının Qorunması proqramı
çərçivəsində, “Etnik Azlıq İcmalarının Sosial –İqtisadi
Hüquqlarının Gücləndirilməsi Mərkəzi” açılıb.
Mərkəz əhalinin sosial-iqtisadi hüquqlarının qorunması üçün pulsuz
yardımlar həyata keçirir. Mərkəzdə etnik azlıqların başa düşdüyü
dillərdə sosial-iqtisadi dəstək proqramları barədə məlumat
əlçatandır. Mərkəzdə əhalinin biznes
planlar, layihə və tender
sənədlərinin hazırlanması barədə pulsuz məsləhət almaq imkanı
olacaq. Mərkəzin hüquqşünaslarından Ayhan Həsənov bildirdi ki,
Kvemo Kartlidə qeyd olunan təşkilatın ofisi Marneuli və Qardabanidə
açılıb.
“Hüquqi məsləhətlər verilir və lazım olan halda məhkəmədə
nümayəndəlik də edilir. Eləcə də təsərrüfat, yaxud kiçik bizneslə
məşğul olan əhali bizdə məsləhətlər ala bilər. Biz onlara yardım
edirik. Məsələn, əgər Kənd Təsərrüfatı Nazirliyi, yaxud başqa
donorlar müsabiqələr elan edərsə və vətəndaşlar orada iştirak etmək
istəyirsə, biz vətəndaşlara vəziyyəti başa salırıq, hüquqi məsləhət
veririk”, – Həsənov dedi.
“Etnik Azlıq İcmalarının Sosial-İqtisadi Hüquqlarının
Gücləndirilməsi Mərkəzi” Marneuli və Qardabanidən əlavə,
Ninotsminda, Samtsxe-Cavaxetidə də açılıb.