Bu gün Marneuli İctimai Kitabxanasında esse müsabiqəsinin qalibi
olan şagirdlər mükafatlandırılıb.
Müsabiqə Marneuli İctimai Kitabxanasının və Amerika guşəsinin birgə
təşkilatçılığı ilə keçirilib. Amerika guşəsinin koordiantoru
Mələkxanım Quliyevanın sözlərinə görə, esse müsabiqəsində VIII-XII
sinif şagirdləri iştirak edib.
“Mart qadınların tarixi ayıdır və qərar verdik ki, şagirdlərin
mükafatlandırılması günü yerli, uğurlu qadınları dəvət edək, öz
bioqrafiyalarından danışdılar. İştirakçıların onlara sual vermək
imkanı var idi. Qaliblərə diplom və “Biblus” kitab mağazasının
vauçerləri verildi”- Mələkxanım bildirdi.
Esse müsabiqəsinin qalibi, birinci yerin sahibi Marneuli 5 saylı
ictimai məktəbin şagirdi Mariam Pipia olub. O, “Marneuli “ radiosu
ilə söhbəti zamanı bildirdi ki, gələcəkdə də bu kimi müsabiqələrdə
iştirak etməyi düşünür.
“Bu müsabiqə barədə sosial şəbəkədn məlumat aldım və qərar verdim
özümü sınayım. Birinci yerə çıxacağımı gözləmirdim. Çünki bu
məsələyə müvafiq vaxt ayırmırdım, bu vauçerlə isə mütləq Biblusdan
kitablar alacağam”- qalib dedi.
Esse müsabiqəsi 18 fevral tarixində “qadının müasir dünyadakı rolu”
mövzusunda elan olunub. Müsabiqənin məqsədi qadınların ictimai
həyatdakı rolununun mühüm olduğunu göstərməkdir.