Bu gün, 23 mart tarixində Marneuli Mülki Məşğulluq Mərkəzində,
“Gürcüstanın Strategiya və İnkişaf Mərkəzinin” nümayəndələri yerli
sahibkarla görüşüblər. “Gürcüstanda istehsal et” “mikro və kiçik
biznes dəstək 2022” dövlət proqramına başlayır.
Proqramın məqsədi mikro və kiçik biznesin inkişafı, müasir
sahibkarlıq təcrübəsi yaratmaq, yeni iş yerlərinin yaradılması və
yerli sakinlərin gəlirini artırmaqdır. Bugünkü görüşdə “Gürcüstanın
Strategiya və İnkişaf
Mərkəzinin” nümayəndələrindən biri, Mariam
İmerlişvili “Marneuli” radiosu ilə söhbəti zamanı bildirdi ki,
onların məqsədi qrant imkanları və maliyyənin yerli sakinlərə daha
əlçatan olmasıdır.
“Bizim təşkilat İsveçrə İnkişaf və Əməkdaşlıq Agentliyinin dəstəyi
ilə layihə həyata keçirir. Layihə kənddə mikro və kiçik biznesə
dəstəyi nəzərdə tutur. Bizim məqsədimiz əhalinin ehtiyacını
araşdırmaq və əhalinin gücləndirilməsidir. Bu konkret halda isə
əsas fokus “Gürcüstanda istehsal et” tərəfindən elan edilmiş
müsabiqədir. Gələn həftələrdən məlumatlandırma kampaniyasına daha
fəal başlayacağıq. Açıq müraciətlərin verilməsi üç həftə vaxt
var”, - Mariam İmerlişvili bildirdi.
Yerli sahibkar, üzümçü-şərabçı Sopo Bartğulaşvili bildirdi ki, bu
kimi layihələr bələdiyyə və ümumiyyətlə, Gürcüstan üçün mühümdür,
çünki kiçik və yeni başlanğıcda olan sahibkar üçün
həvəsləndiricidir.
“Bu kimi layihələr sahibkarlara stimul verir ki, bu işi görsünlər,
başqa mərhələlərdə də inkişaf etdirsilər. Buradan irəli gələrək, iş
yeriləri olacaq və kiçik müəssisələr inkişaf etdirilir. Bu isə
davamlı iqtisadiyyat yaradır, sonra ixrac barədə düşüncələr
başlayır və bu dövlətin iqtisadiyyatına da təsir göstərir”,
- Bartğulaşvili bildirdi.
Mikro və kiçik biznesə dəstək proqramı 2022-ci ilin 21 mart
tarixində başlayacaq. Müraciətlərin qəbul prosesi üç həftə ərzində
davam etdiriləcək.
Proqram çərçivəsində 300-dən artq itisadi iş, həmçinin, istehsal və
xidmət sektorları dəstəklənib. Sonrakı işlər prioritetlidir:
- Yeni biznesin başlanması
- Qadın sahibkarların biznesə başlaması/genişləndirilməsi
- Məcburi köçkün şəxslər-qaçqınlar tərəfindən biznesin
başlanılması/genişləndirmə
- Fiziki imkanları məhdud şəxslərin biznesə başlaması və
genişləndirmə
- Kənddə/dağlıq kəndlərdə biznesə başlamaq/genişləndirmək
- Gənc (29 yaşa qədər) sahibkarlar tərəfindən biznesə başlamaq və
biznesin genişləndirilməsi
- İntellektual inkişafa istiqamətlənmiş layihələr
- Yerləşdirmək imkanı və tursizm xidmətlərinə istiqamətlənmiş
layihələr
- Yüksək inklüziyası olan sektora iqtiqamətlənmiş
layihələr
Maddi dəstək potensial benefisiarlar üçün məqsədli qrantı
ayrılmasını nəzərdə tutur. Qrant həcmi maksimum 30 000 lari
dəyərindəri (pilot regionlarda 40 000 lari).
Proqram Gürcüstanın bütün ərazisində müxtəlif regionlarda həyata
keçirilir.