Marneuli “Geo Hospitals” klinikasında koronavirus xəstələri artıq
müalicə almır. Bu barədə klinikanın direktoru Tata Şenqelaia
“Marneuli” radiosuna bildirdi. Onun sözlərinə görə, koronavirus
halları hiss olunacaq dərəcədə azalıb.
“Son bir həftədə bir yoluxma qeydə alınıb. Bizim
klinika kovid xəstələrini qəbul etmir deyə xəstəni Tbilisiyə
göndərdik. Virus təsdiqləndiyi halda xəstələri “Amtel Hospital”, ya
da başqa kovid klinikalara yerləşdiririk. Kovid peyvəndinə də
tələbat var. İndiki mərhələdə 18 doza peyvəndimiz var və gələnlərin
sayı çoxdur. Yaxında yeni peyvənd partiyasını
gözləyirik”, – Şenqelaia bildirdi.
Marneuli “Geo Hospitals” klinikası 2020-ci ildə kovid klinikasına
çevrilmişdi.
Son 24 saat ərzində Gürcüstanda koronavirusa 450 nəfər yoluxub, 6
xəstə dünyasını dəyişib.