Navtluği küçəsində baş vermiş yanğın nəticəsində 66 yaşlı qadın
dünyasını dəyişib.
Fövqəladə Halların İdarəolunması Agentliyindən “İnterpresnyus”a
verilən məlumata görə, yanğın üçmərtəbəli yaşayış evinin birinci
mərtəbəsində baş verib.
Güclü tüstüyə görə binada yaşayan sakinlər təxliyə olunub.
Yanğınsöndürən-xilasedicilər 5 nəfəri, o cümlədən 3 azyaşlı uşağı
binadan çıxarıblar. 60 kv.m. yaşayış sahəsi yanıb.
Hadisə yerinə 7 yanğınsöndürən-xilasedici brigadası və digər
müvafiq xidmətlər cəlb olunub.