რუსეთის საგარეო საქმეთა სამინისტროს განცხადებით, ქვეყნის
წარმომადგენლობა NATO-ში მუშაობას წყვეტს. ინფორმაციას რუსული მედია
ავრცელებს.
ამათან, 1 ნოემბრიდან მოსკოვში საქმიანობას წყვეტს NATO კავშირის
სამხედრო მისია. რუსეთი მისი თანამშრომლების აკრედიტაციას აუქმებს.
აღარ იმუშავებს NATO-ს საინფორმაციო ბიუროც მოსკოვში.
რუსეთის საგარეო საქმეთა მინისტრის, სერგეი ლავროვის თქმით, NATO-სა
რუსეთს შორის კონტაქტებისთვის ალიანსმა ბელგიაში რუსეთის საელჩოს უნდა
მიმართოს.
”რუსეთი აღარ შექმნის ილუზიას, რომ უახლოეს მომავალში
NATO-სთან ურთიერთობებში რაიმე ცვლილებაა შესაძლებელი”,
- განაცხადა ლავროვმა.
ცნობისთვის, 6 ოქტომბერს NATO-მ 8 რუს დიპლომატს აკრედიტაციაზე უარი
უთხრა.
”სინამდვილეში ისინი იყვნენ რუსეთის დაზვერვის ოფიცრები იყვნენ. ჩვენ
ასევე შეგვიძლია დავადასტუროთ, რომ ჩვენ 10 -მდე შევამცირეთ
პოზიციების რაოდენობა, რომლებშიც რუსეთს აკრედიტაციის მიღება
შეუძლია”, - განაცხადეს ალიანსში.