Potidə qətl hadisəsi baş verib. 45 yaşlı kişinin sinəsindən
bıçaqlandığı bildirilir.
Yaralı təcili yardım briqadası tərəfindən Poti xəstəxanasına
çatdırılsa da, həkimlər onun həyatını xilas edə bilməyiblər və o,
klinikada vəfat edib.
"Xəstə 112 briqadası tərəfindən həyat üçün təhlükəli olan, çoxsaylı
travmatik xəsarətlərlə xəstəxanaya gətirildi. Reanimasiya
əməliyyatlarına baxmayaraq, onu xilas etmək mümkün olmadı”, – Poti
xəstəxanasının direktoru Tea Miqineişvili bildirib.
Daxili İşlər Nazirliyindən “İnterpressNews”-a verilən məlumata
görə, hadisə ilə bağlı Gürcüstanın Cinayət Məcəlləsinin 108-ci
maddəsi ilə istintaq başladılıb. Həmin maddə qəsdən adam öldürməni
nəzərdə tutur.