საქართველოს სტატისტიკის ეროვნულმა სამსახურმა 2022 წლის სტატისტიკური მონაცემები გამოაქვეყნა. სტატისტიკურ მონაცემებში ასახულია სოციალური პაკეტის და საარსებო შემწეობის მიმღები ოჯახების რაოდენობაც.

2022 წელს მარნეულის მასშტაბით სოციალური პაკეტის მიმღებთა რაოდენობა 3 320. 2022 წელს სოციალური პაკეტის მიმღებთა რაოდენობა ბოლო სამი წლის მაჩვენებელზე ნაკლებია. 2019 წელს სოციალურ პაკეტს 3 341 ადამიანი, 2020 წელს 3 353 ადამიანი, ხოლო 2021 წელს 3 464 ადამიანი იღებდა.

საარსებო შემწეობას მარნეულის მასშტაბით 3 690 ოჯახი იღებს. აღსანიშნავია, რომ საარსებო შემწეობის მიმღებ ოჯახებთა რაოდენობა ბოლო 10 წლის განმავლობაში ყოველწილურად იზრდება.
2012 წელი - 1 289 ოჯახი
2013 წელი - 1 133 ოჯახი
2014 წელი - 1205 ოჯახი
2015 წელი - 1 195 ოჯახი
2016 წელი - 1 908 ოჯახი
2017 წელი - 2 117 ოჯახი
2018 წელი - 2 199 ოჯახი
2019 წელი - 2 276 ოჯახი
2020 წელი - 2 900 ოჯახი
2021 წელი - 3 495 ოჯახი
2022 წელი - 3 690 ოჯახი

საქართველოს სტატისტიკის ეროვნული სამსახურის მიერ გამოქვეყნებული მონაცემების მიხედვით, მარნეულის მუნიციპალიტეტის მოსახლეობის რაოდენობა 107 500 ადამიანს შეადგენს.