„ვერ შევეგუეთ იმას, რომ არსებობენ ქართველი აზერბაიჯანელები, ქართველი სომხები" - ზაურ ხალილოვი
დღეს, 7 ივნისს სახალხო დამცველთან არსებულმა ეროვნულ უმცირესობათა საბჭომ , თბილისში შეხვედრა გამართა თემაზე – „ეროვნული უმცირესობების მონაწილეობა/ჩართულობა გადაწყვეტილების მიღების პროცესში“. სადაც სიტყვით გამოვიდა სამოქალაქო ინტეგრაციის ფონდის ხელმძღვანელი ზაურ ხალილოვი. როგორც ის რადიო „მარნეულთან“ მიცემულ ინტერვიუში ამბობს, ყურადღება გაამახვილა ეთნიკური უმცირესობების ჩართულობაზე პოლიტიკურ და საზოგადოებრივ ცხოვრებაში.
„მე ჩემს გამოსვლაშიც აღვნიშნე, რომ 27 წლის განმავლობაში ჩვენ ვერ მივაღწიეთ ელემენტარულს, წრეზე დავდივართ. ის რომ სტატისტიკა იზრდება, ზოგჯერ მცირდება, მაგრამ აქ ხარისხზე მიდის საუბარი. იყო ლაპარაკი იმაზე, რომ ეთნიკურმა უმცირესობებმა ქართული ენა კარგად არ იციან და ა.შ,, , მაგრამ მარტო ქვემო ქართლიდან არის 3000 სტუდენტი და მილიონობით პროექტები იყო და ეს არის არასამთავრობო და საერთაშორისო ორგანიზაციების დამსახურება და არა სახელმწიფო პოლიტიკის მიზანმიმართული შედეგი, რომ დღეს აქტიური ახალგაზრდები გამოჩნდნენ ქვემო ქართლში და სამცხე-ჯავახეთში“ - ზაურ ხალილოვი
ხალილოვი მიიჩნევს, რომ ხელისუფლების დამოკიდებულება ეთნიკური უმცირესობების მიმართ ყოველთვის ხდება ხოლმე უსაფრთხოების პრიზმიდან. მისი თქმით, შეხვედრაზე ასევე ისაუბრეს მოქალაქეები გაიგივების თემაზე, როდესაც საქართველოში მცხოვრებ აზერბაიჯანელებს და სომხებს აზერბაიჯანთან და სომხეთთან აიგივებენ.
„ვერ შევეგუეთ იმას, რომ არსებობენ ქართველი აზერბაიჯანელები, ქართველი სომხები. თანაბარუფლებიანობაზე საუბრობდნენ ძირითადად ხელისუფლების და სხვადასხვა სამინისტროს წარმომადგენლები, თუმცა ჩვენ ამას ვერ ვხედავთ ეთნიკური უმცირესობები და არა მარტო ჩვენ, რომლებიც ამ თემაზე მუშაობენ და ეს დღევანდელმა შეხვედრამ კიდევ ერთხელ დაადასტურა, რომ ეს პრობლემა კვლავ აქტუალურია. ჩვენ ამ ჩარჩოს ვერ გავცდით. . ყველაზე მთავარი პრობლემა ისაა, რომ პოლიტიკური ნება არ არსებობს, თორე ძალიან მარტივად შეიძლება ამ საკითხის გადაჭრა. თუნდაც ახალი კადრების მოზიდვით“ - ამბობს ზაურ ხალილოვი
ამავე თემაზე:
აქტუალური თემა - ოპოზიციის მარცხი დიდი სხვაობით- არჩევნები 2019
მსგავსი სიახლეები
ჩვენ შესახებ
ორგანიზაციის ძირითადი მიზანია მარნეულის მუნიციპალიტეტში მედია პლათპორმის მეშვეობით მისცეს მოსახლეობას (თემს) საშუალება ისარგებლოს უფლებით იყოს ინფორმირებული და გააძლიეროს სამოქალაქო სექტორი და მისცეს საშუალება თემს იყოს აქტიურად ჩართული გადაწყვეტილების მიღების პროცესებში.
საკონტაქტო ინფორმაცია
mobile: +995 557 99 44 15
ელ. ფოსტა: marneulifm@gmail.com
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
